قصيده العاصفة

[الحلاااا]

حبيت أن انقل لكم هذه القصيده تتكلم عن تفرق قبيلة شمر في الارض.....ويسمونها العاصفة
ارجو ان تنال على اعجابكم........



ــــــــــــــــــــــــ

يالله ياعالم بخافي حوالها
********************رافع سماها دون شدة حبالها


بستة ليالي ركز الارض والسما
********************يقدر ولا يعسر وربي قوالها


اودع بها الوديان والرجم والجلد
*******************بعد الجلد نصب نوايف رمالها


وطشر نجوم الكون والثاني القمر
******************تشوف بالظلما قديح اشتعالها


وعزل نهاره عن ظلامه بقدرته
****************وارسل مليكه ثم رسى جبالها


واظهر لنا شمس غشى الخلق نوره
*************وان ا**فت حال الخلايق بجالها


فضله كثير بس نطلبه الثنا
*************وحبل الوصل لا ننقطع عن وصالها


وثم خلق آدم وحوا من الثرا
***************ونفخ بهم من روح جل جلالها


وصارو بجنات النعيم وتوافقو
*****************عن شجرة شينه منعهم وصالها


وحداهم ابليس اللعين بطريقته
***************ودهور نفوس مطمئنه بحلالها


وجازاهم الخالق وفرق لشملهم
*************ومن طاع راي ابليس هذا جزالها


حوا بشرق الارض وآدم بغربها
**************وكل قصد للوجه الآخر قبالها


آدم ينام الليل والصبح يبتدي
*************يبغى يشوفه ما دون اعتجالها


وحوا تدوس الليل والصبح بالسرا
***************من لهفته مالذة النوم جالها


وتجلس على كوم البرد في طريقها
**********وتشكي سموم القيض وآعزتالها


وتقابلو بعد المسافات والعنا
************وتعارفو بالشاهقه من جبالها


وياقادر في ذا تقدر لحيرتي
*********باشاكيك برجواك العزيزه وحالها


باشاكيك انا يالله من جور وقتنا
****************دنيا تصفقنا على ما طرالها


والحظ يندبنا وبقعا تحوفنا
*****************دنيا تحدنا وسكر مجالها


بالله ياللي بك خيره ومقدره
**************خلك فطين بحالنا وش بدالها


لولا الحسد والحقد ماصار وضعنا
*************مثل فلسطين الذي شفت حالها


بس بكلام الناس تسعى بجهدها
**************ولحد وقف معها ولحد سعالها


ماجور يا قلب تدهولت بالقهر
*************عزي لنفس خبث الوقت بالها


قبل امس وانا عند ربعي وعزوتي
***************واليوم بديار صعيب منالها


وباكر على الدوحه وبعده لغيرها
************والله عليم بحالتي وش نوالها


امشي وانا مالي قرايب على ارضهم
**************والروح مما شفت قرب زوالها


ذكرت حكم الله باول قصيدتي
*************من هب للقبلي يدير لشمالها


هو داير الافلاك يقدر يديرها
*************ويطفي لهب كبد يزيد اشتعالها


تايه ولا اظن لي وطن يا هل الوفا
*************لي الولي والروح هي واعمالها

والله لو انه على ما مضالنا
**************عند نزلكم حايل ادني رحالها


واعزي الروح الغريمه بودكم
***********واقول روحي مضيعه وش غدالها


ما هو ردا فيكم ولا اسب فعلكم
***************يا لعنبو نفس غواها همالها


قلته وانا راسي تزاين به الطنا
**********ومن سيد كل الناس ماهم انذالها


انا لابتي هم خيرة الخلق والبشر
***********بعد الصحابه لابتي هم اجزالها


زوبع هلي غلبا هل العرف والنقا
**************شمر خيار القوم شمر ثقالها


شمر هل الردات شمر بوقتهم
*************شمر على كل القبايل افعالها


ولوهي تعود امجاد شمر وعزنا
*************شمر على كل الخلايق ظلالها


شمر هل النوهات شمر هل الخطا
*************شمر طنايا طي شمر جبالها


شمر عفاف العرض شمر هل الخوي
***************الفكر صخرها ولحد قوالها


من غير قاصر بالقبايل وحضرها
***********منهم مثل شمر على ما مضالها


اذا الناس ارض وهم شمر رجومها
************ومهما زمو بالزود شمر جبالها


واذا الناس مزن زار واستنزل البرد
****************شمر بحر ما ضايقه باحتمالها


واذا الناس غيم زام بالجو وانتهض
****************شمر نجوم ولا وصل لمستوالها


والله يا لولا لابتي ضايع الوفا
**************ومحمد العوني سبقني وقالها


ويقول فجحان الفراوي بطيبهم
***************منهو مثل شمر رخيص حلالها


احبهم و احب كل يحبهم
***********وابغض من ابغضهم ولاني بحالها


ويامن يهجعني ويجبر مصيبتي
**************ويامن يرد للنفس معنى سؤالها
ــــــــــــــــــــــــــــ
صح لسان من قالها

الحـــــــــــــــــــــــــــــلاااا

[عبدالرحمن صباح]

هذي قصيدة ابن محياااااااا




وهو بالفعل


جسد حروف ولكن سوف يذكرها التاريخ الشمري والشعبي





كل الشكر لك يا الحلا والله اني من زمان ادور عليها كامله لكن فيها خلل بالوزن واكيد انه من النقل لان ابن محيا شاعر له باع طويل ولا يطيح في مثل هالاخطاء البسيطه

[الحلاااا]

هلا بك اخوي عبدالرحمن ..

واذا عن الاخطاء فهي من النقل مدري والله..


على العموم اشكرك اخوي على المرور وأنا كان ودي اعرف من قايلها وانت ما قصرت...


الحـــــــــــــــــــــــــــــــــــــــــــــــ ـــــــــــــــــــــــلاااا

[وضحى السبيله]

\
/
\

الحــلاااا

حيااك الله ومرحبابك اختي
وصح لســانــكـ
قصيدهـ رائــعه بروعتــك

لا هنتي

\
/

[الحلاااا]

نورتي عزيزتي وضحى...

[أحــمد الــشلال]

الحلا
قصيده راااااااااائعه
ونقلك لها ارووووووووووع
صح لسانج
وتسلم يمينج
دمتي بووووووووووود

[فاضل الفاضل]

صح ذوقك

نقل رااائع

وقصيدة رائعه

وصح لسان الشاااعر

[عبدالله الشمري]

صـــــــــــح لســــــــــــان الـــــشاعـــــــــــــر والـــــــــناقـــــــــــل

مشكــــــــــــــــور علــــــــــــى النقـــــــــــــل الـــــــرائـــــــــــع

[ღ كلـــ حلااااـــــىღ]

صح لسان شاعرنا

وماتقصرين ع الانتقاء المميز

صي يو

[الحلاااا]

اشكركم اخواني على المرور

[صدى صرخه]

اختى الفاضله
الحلاااااااااااااا

لا هنتي
اختيار فعلان مجد وتاريخ وعزه
اختيارك موفق اختى الفاضله
وكم يسعدنى مثل هذا الاختيار
لا هنت وربي معاك
اخوك صدى صرخه

[برجس الفاضل]

صح السانك ويعطيك العافيه

[برجس الفاضل]

صح السانك ويعطيك العافيه

[الحلاااا]

الله يعافيك اخوي برجس..

سعدت بمرورك اخي الكريم

[سعود ضيدان الزقروطي]

يالحلا

صح الله لسانك ولسان شاعرها

واشكرك على النقل الموفق والجميل

يعطيك العافية ودمتي بالف خير

[محمد نواف الفارس]

اذا الناس ارض وهم شمر رجومها
************ومهما زمو بالزود شمر جبالها


قصيده اكثر من رائعه ونقل اروع واختيار موفق اختي الحلا صح لسان الشاعر ومكشوره اختي على انتقائك لها القصيده الجزله والحماسيه .............. بالتوفيق

اخوك: ابونواااااااااااااااااف

[عفوك يا قلبي]

لا هنتي يا بعدي على النقل ..

وشكرا لك